Kenha ki ê di Fogo y ki ka sabe di existênsia di Barkabaler?!! Ninguen! Barkabaler ê kais di S. Filipe, na ilha di Fogo, aliás úniku di ilha ki ten stadu y sta funsional desdi monti tempu. Funsional, komu ken diz! Houvi un altura em ki barku ta aproximaba sô di kais y boti ta remadu te ki txiga na el pa traze passagerus ku kargas pa terra. Ma dipós ês fazel un pikenu alargamentu ki permiti barku passa ta enkosta mesmu. kela fasilita txeu vida d'arguen ki ta mbarka pa otu ilhas y kumersiantis ki ta sta só ta tra kargas. Nta lembra di alguns anu atráz ki nta baba Praia di Barku algun vez y era sempri di mesmu forma: monta boti e ba subi barku. Ma dipoz kuza muda y arguén bira ta entra diretamenti na barku. Vida di rabidantis fika maz fasil, vida di grandis komersiantis tambe, ainda mbarki e dizembarki di un simplis passajeru bira tambe maz rápidu.Entritantu, ê di fra ma ês alargamentu di portu ka foi mutu grandi kuza. Konstrutoris ka pudia faze mutu pamo mar di Barkabaler ê brabu e ka fasilitas konstrusao. Ês tevi ki fazê kais ku aspetu di un katubelu, pa mar ka romba'l tudu bêz k'el fika brabu. Issu fazê kon ki kais ka fika grandi e nem siker médiu.
També ê la na Barkabaler ki kargas ki ta ben di Merka y otus parti stangeru ta ba tradu. Ê la ki servisus di Alfândiga ta funsiona y tudu dia ten arguén la pa ba tra bidon, gradi e afins ki ta mandadu di fora. Na kel kabu ta desaparice kuzas ku frequênsia
y ninguén ka ta da konta undi kuzas kamba.
També kes grogu di Praia ku Sao Visenti ê di la ki ta entra na Fogo. Badios ta entra la ku un txada bindon di grogu y també ku banana, tudu dia ki barku ten. Na mêz di Agostu ta fazedu na Barkabaler un festival di verao y tudu mundu ta baza la. Ta badu di fora mutu maz ki di Bila pa ba relaxa na praia y kurti un sonzitu ao vivo ki ta tokadu nun palku improvizadu. Pessoal ta leba ó un poku di kumida ó dinheru pa ba kumpra kuza kumê la, ma també pa bota un agu.
Apezar di kel tudu inkonvenienti ki nsita antis, Barkabaler ê di un impurtânsia grandi pa ilha di Fogo y el ta reprezenta kel grandi portu di entrada y di saida di merkadorias di tudu tipu na ilha.
També ê la na Barkabaler ki kargas ki ta ben di Merka y otus parti stangeru ta ba tradu. Ê la ki servisus di Alfândiga ta funsiona y tudu dia ten arguén la pa ba tra bidon, gradi e afins ki ta mandadu di fora. Na kel kabu ta desaparice kuzas ku frequênsia
y ninguén ka ta da konta undi kuzas kamba.També kes grogu di Praia ku Sao Visenti ê di la ki ta entra na Fogo. Badios ta entra la ku un txada bindon di grogu y també ku banana, tudu dia ki barku ten. Na mêz di Agostu ta fazedu na Barkabaler un festival di verao y tudu mundu ta baza la. Ta badu di fora mutu maz ki di Bila pa ba relaxa na praia y kurti un sonzitu ao vivo ki ta tokadu nun palku improvizadu. Pessoal ta leba ó un poku di kumida ó dinheru pa ba kumpra kuza kumê la, ma també pa bota un agu.
Apezar di kel tudu inkonvenienti ki nsita antis, Barkabaler ê di un impurtânsia grandi pa ilha di Fogo y el ta reprezenta kel grandi portu di entrada y di saida di merkadorias di tudu tipu na ilha.
1 comentário:
Mos nen bu ka sabe mo ki N kastiga na kel kabu la. Na kel tenpu ke pa baba barku di lantxa ki era morti. Di vez ankuntu argen o se karga ta ba para mar...
Sol kenti ki ta mata. Ka tudu peli ki ta guenta kel kuza la.
Mi kel fistival N ba la so un dia i nen ka da pa bota txe.
Na futuru kais di Fogu e na Musteru, na Baia Kais, la baxu Korvu. Dja fazedu strada pra la i tudu. Mar ka brabu. La parsen ta da bon kais go, ma djan sabe ma Bila ta faze presaun pa ka ba pamo ka ta fika sabi sima kantu aeroportu ba pa Musteru, es lida te kes tral di la otu bes...
Un abrasu,
OG
Enviar um comentário