Diberbunkadu fatuzés... kornegu del ... ba inferru! Ê sin ki ta diskonjuradu na Fogo.
un forma stranhu di diskonjuru pa txeu arguén até purki ê ka di entendimentu fasi.
Kumó kel ta uzadu? Na ki sirkunstánsia? Ben, ê uzadu di txeu manera y na txeu kontestu y nen sempri el ta sta asosiadu a satanás. Ta fradu, por izenplu, diberbunkadu fatuzés ora ki mininu ka ta sinta ketu y el ta sta rabortiadu ta fazê txeu asnera. Sê má podê bira pa el y fral: nha fidju, diberbunkadu fatuzés ku bo. Ora ki un arguén, mesmu adultu sta ten txeu prublema, sta ten txeu disgostu na bida, sta ta pasa txeu mal, també ta fradu diberbunkadu. Ta fradu ma el ten ki diskonjura pamó argun kuza di stanho sta ta faze'l sê bida un inferru. Ora ki arguén spanta ku algu ki surgi di repenti ó ki sta parsel fora di normal, també el ta fra diberbunkadu fatuzés kornegu del ba inferru. Ku isu el kre spanta ês ar runhu ó ês kuza mau del y kuantu más longi, midjor pa el, purtantu el ta mandal inferru, ki supostamenti ê undi ki xúxu ta sta na sê diabura.
Ten otus formas di diskonjuru sima pur izenplu Grandi Foku, bida di universu. Keli ê di Sentru Spiritual ki herdadu.
Si di noti argun barulhu surgi di riba kasa ó la di rua ki dipós ka konsigui odjadu ben di undi y kuzé kel ben, també ta diskonjuradu ku mesmu spresao: Grandi Foku, vida di universu y ku diberbunkadu fatuzés... kornegu del ba inferru.
un forma stranhu di diskonjuru pa txeu arguén até purki ê ka di entendimentu fasi.
Kumó kel ta uzadu? Na ki sirkunstánsia? Ben, ê uzadu di txeu manera y na txeu kontestu y nen sempri el ta sta asosiadu a satanás. Ta fradu, por izenplu, diberbunkadu fatuzés ora ki mininu ka ta sinta ketu y el ta sta rabortiadu ta fazê txeu asnera. Sê má podê bira pa el y fral: nha fidju, diberbunkadu fatuzés ku bo. Ora ki un arguén, mesmu adultu sta ten txeu prublema, sta ten txeu disgostu na bida, sta ta pasa txeu mal, també ta fradu diberbunkadu. Ta fradu ma el ten ki diskonjura pamó argun kuza di stanho sta ta faze'l sê bida un inferru. Ora ki arguén spanta ku algu ki surgi di repenti ó ki sta parsel fora di normal, també el ta fra diberbunkadu fatuzés kornegu del ba inferru. Ku isu el kre spanta ês ar runhu ó ês kuza mau del y kuantu más longi, midjor pa el, purtantu el ta mandal inferru, ki supostamenti ê undi ki xúxu ta sta na sê diabura.
Ten otus formas di diskonjuru sima pur izenplu Grandi Foku, bida di universu. Keli ê di Sentru Spiritual ki herdadu.
Si di noti argun barulhu surgi di riba kasa ó la di rua ki dipós ka konsigui odjadu ben di undi y kuzé kel ben, també ta diskonjuradu ku mesmu spresao: Grandi Foku, vida di universu y ku diberbunkadu fatuzés... kornegu del ba inferru.
3 comentários:
Dja bu tran un duvida! Dja dura ki N ta obi ta fradu es "diberbunkadu fatuzés" ma nunka N ka sabia kuze.
Enviar um comentário